Urdu

متکبر جوان کے ساتھ عورت نے کیا کر ڈالا

کہتے ہیں ایک خاتون گھی کا گھڑا اٹھائے ہوئے بازار میں‌جا رہی تھی کہ جوان کی نظر اس پر پڑی اس نے سوچا کہ بے چاری عورت ہے چلوں اس سے ہی کچھ کمائی کر لیتے ہیں‌اس نے نہایت نخوت سے عورت کو پکارا . اوئے اماں‌کیا بیچ رہی ہے یہاں‌. عورت بولی . بیٹا گھی بیچ رہی ہو . اگر لینا ہے تو بتا ؤ. جوان بولا ٹھیک ہے مجھے بھی دکھاؤ کہ کیسا گھی ہے پھر میں‌لوں گا . عورت نے سر سے گھڑا اتارا تو تھوڑا سا چھلکا . اس سے تھوڑا سا گھی جوان کی قمیض پر لگا . اس سے وہ آگ بگولا ہوا . اور چیختے ہوئے کہا . مائی نظر نہیں‌آتا سارے کپڑے خراب کر ڈالیں‌. یں جب تک تجھ سے اس قمیض کے پیسےلے لوں، تجھے تو یہاں سے ہلنے بھی نہیں دونگا۔ عورت نے بیچارگی سے کہا؛ میں مسکین عورت ہوں، اور میں نے آپ کی قمیض پر گھی جان بوجھ کر نہیں گرایا، مجھ پر رحم کرو اور مجھے جانے دو۔اس آدمی نے کہا؛ جب تک تجھ سے دام نا لے لوں میں تو تجھے یہاں سے ہلنے بھی نہیں دونگا۔عورت نے پوچھا: کتنی قیمت ہے

آپ کی قمیض کی؟اس شخص نے کہا: ایک ہزار درہم۔ عورت نے روہانسا ہوتے ہوئے کہا:میں فقیر عورت ہوں، میرے پاس سے ایک ہزار درہم کہاں سے آئیں گے؟اس شخص نے کہا: مجھے اس سے کوئی غرض نہیں۔ عورت نے کہا: مجھ پر رحم کرو اور مجھے یوں رسوا نا کرو۔ ابھی یہ آدمی عورت پر اپنی دھونس اور دھمکیاں چلا ہی رہا تھا کہ وہاں سے کہ ایک نوجوان کا گزر ہوا۔ نوجوان نے اس سہمی ہوئی عورت سے ماجرا پوچھا تو عورت نے سارا معاملہ کہہ سنایا۔نوجوان نے اس آدمی سے کہا؛ جناب، میں دیتا ہوں آپ کو آپ کی قمیض کی قیمت۔ اور جیب سے ایک ہزار درہم نکال کر اس مغرور انسان کو دیدیئے۔یہ آدمی ہزار درہم جیب میں ڈال کر چلنے لگا تو نوجوان نے کہا: جاتا کدھر ہے؟آدمی نے پوچھا: تو تجھے کیا چاہیئے مجھ سے؟نوجوان نے

کہا: تو نے اپنی قمیض کے پیسے لے لیئے ہیں ناں؟آدمی نے کہا: بالکل، میں نے ایک ہزار درہم لے لیئے ہیں۔نوجون نے کہا: تو پھر قمیض کدھر ہے؟آدمی نے کہا: وہ کس لیئے؟نوجوان نے کہا: ہم نے تجھے تیری قمیض کے پیسے دیدیئے ہیں، اب اپنی قمیض ہمیں دے اور جا۔آدمی نے گربڑاتے ہوئے کہا: تو کیا میں ننگا جاؤں؟نوجوان نے کہا: ہمیں اس سے کوئی غرض نہیں۔ آدمی نے کہا:اور اگر میں یہ قمیض نا دوں تو؟نوجوان نے کہا: تو پھر ہمیں اس کی قیمت دیدے۔ اس آدمی نے پوچھا: ایک ہزار درہم؟نوجوان نے کہا: نہیں، قیمت وہ جو ہم مانگیں گے۔ اس آدمی نے پوچھا: تو کیا قیمت مانگتے ہو؟نوجوان نے کہا: دو ہزار درہم۔ آدمی نے کہا؛ تو نے تو مجھے ایک ہزار درہم دیئے تھے۔ نوجوان نے کہا: تیرا اس سے کوئی مطلب نہیں۔ آدمی نے کہا: یہ بہت

زیادہ قیمت ہے۔ نوجوان نے کہا؛ پھر ٹھیک ہے، ہماری قمیض اتار دے۔اس آدمی نے کچھ روہانسا ہوتے ہوئے کہا: تو مجھے رسوا کرنا چاہتا ہے؟نوجوان نے کہا: اور جب تو اس مسکین عورت کو رسوا کر رہا تھا تو!!آدمی نے کہا: یہ ظلم اور زیادتی ہے۔ نوجوان نے حیرت سے کہا: کمال ہے کہ یہ تجھے ظلم لگ رہا ہے۔ اس آدمی نے مزید شرمندگی سے بچنے کیلئے، جیب سے دو ہزار نکال کر نوجوان کو دیدیئے۔ اور نوجوان نے مجمعے میں اعلان کیا کہ دو ہزار اس عورت کیلئے میری طرف سے ہدیہ ہیں

Comments

comments

متکبر جوان کے ساتھ عورت نے کیا کر ڈالا
Click to comment

Leave a Reply

Your email address will not be published. Required fields are marked *

To Top